Friday, October 1, 2010

အိမ်မက်ထဲက မြို့တော်
















အဲဒီမြို့လေးကို ကျွန်တော်သွားချင်နေခဲ့တာ ကြာပါပြီ။ ဒီတစ်ခေါက်တော့ မဖြစ်ဖြစ်အောင် အရောက်သွားခဲ့ပါတယ်။ တစ်စုံတစ်ရာက ကျွန်တော့်ကို သွားဖို့ ဆွဲဆောင်နေသလို ခံစားရတယ်။ အခု အိမ်မက်ထဲက စိတ်ကူးထဲက အဲဒီမြို့လေးကို ကျွန်တော် ခြေချနိုင်ခဲ့ပါပြီ။

မေမြို့လို့ အရင်က ခေါ်တဲ့ ပြင်ဦးလွင်မြို့က အမြင့်ပေ - ၃၅၃၈ ပေ ရှိပြီး အေးမြလှပတဲ့ ပန်းမြို့တော်လည်း ဖြစ်ပါတယ်။ မန္တလေး ၃၅ လမ်းထိပ်ကနေ ပြင်ဦးလွင်သွားတဲ့ လိုင်းကားလေးတွေရှိပါတယ်။ ဘုရားကြီး အရှေ့ဘက်မုဒ်က စထွက်လာတဲ့ ပိတ်ချင်းမြောင်တိုက်ရိုက်သွားတဲ့ ကားနဲ့ ကျွန်တော်လိုက်သွားခဲ့ပါတယ်။  

ကားလေးရဲ့ခေါင်မိုးပေါ်က စီးပြီး သီချင်းလေးနားထောင် ရှုခင်းခင်းတွေကြည့်ပြီး ကင်မရာလေး တစ်ကိုင်ကိုင်နဲ့ပေါ့။ ၂၁ မိုင် မှာ ကားနားတော့ ပြည့်သူ့မေတ္တာတို့ ပြည့်သူ့ အလင်းရောင်တို့ စားသောက်ဆိုင်တွေတွေ့တယ်။ ၂၁ မိုင်ကျေးရွာလေးက ၄၂ မိုင်ဝေးတဲ့ မန္တလေးနဲ့ မေမြို့ကြားက ရွာလေးပါ။

လမ်းအတက်အဆင်းတွေက ၂၁ မိုင်ရွာလေး မရောက်မှီနဲ့ အလွန်မှာရှိပါတယ်။ ၆ ထပ်ကွေ့ပြီးရင်တော့ အတက်အဆင်းက ပြေပြစ်ပါတယ်။ လားရှိုး ၊ မူဆယ်ကားတွေလည်း ဒီလမ်းကပဲ ဖြတ်ကြတာပါ။

ပိတ်ချင်းမြောင်သွားတဲ့ လမ်းပေါ်မှာ ရှိတဲ့ မဟာအံထူးကံသာဘုရားကို အသွားဝင်ဖူးပြီး ပိတ်ချင်းမြောင်ကို ဆက်သွားပါတယ်။ အဲဒီမှာ နေ့လည်စာစားပြီး လိုဏ်ဂူထဲဝင် ၁၂း ၃၀ နာရီမှာ ပြန်ထွက်လာခဲ့ပါတယ်။ အပြန်လမ်း ပွဲကောက် ရေတံခွန်ဝင် ပါတယ်။ ရေဆင်းချိုးချင်ပါသော်လည်း ဘောင်းဘီအတို မပါလို့ ရေထဲမဆင်းဖြစ်ခဲ့။ ဘုရားကို ထပ်မ၀င်တော့ပါ။ အဲဒီနောက် တရုတ်ဘုံကျောင်းကို သွားလေ့လာပြီး အမျိုးသားကန်တော်ကြီးကို ဆက်သွားခဲ့တယ်။ ကန်တော်ကြီးက လူကြီးဝင်ကြေး ၁၀၀၀ ကျပ် ၊ ခလေး ၅၀၀ ကျပ် ပေးရပါတယ်။ ဧကပေါင်း ၄၀၀ ရာကျော်ရှိတာမို့ နေရာစုံတော့ မရောက်နိုင်ခဲ့ပါ။ သစ်ခွခြံ ၊ လိပ်ပြာပြတိုက် ၊ ထင်းရှုတော လျှောက်ပြီး ခြေညောင်းနေပြီမို့ မြက်ခင်းပြင်ပေါ်မှာပဲ ထိုင်ချလိုက်ပါတော့တယ်။ နန်းမြင့်မျှော်စင်က ပြန်လာတဲ့ အတူခရီးသွားတွေကို တွေ့ပါတယ်။ ၃း၃၀ နာရီခန့် ကန်တော်ကြီးကနေ ပြန်ထွက်လာခဲ့ပါတယ်။ အပြန် အနီးစခန်း အနီးမှာ ရှိတဲ့ နှီးဘုရားကို ၀င်ရောက်ဖူးမျှော်ကြပါတယ်။ ပတ်ဝန်းကျင်တစ်ခွင်က တောင်းကုန်းတောင်တန်းတွေဝိုင်းနေတဲ့ ရှုမျှော်ခင်းတွေ တစ်ဝကြည့်ရတယ်။ အပြန်မှာလည်း ၂၁ မိုင်မှာ ခဏ၀င်နားပြီး မန္တလေးကို ပြန်ဆင်းလာခဲ့ပါတယ်။ ။

မိုးပျံငှက်