Tuesday, November 14, 2017

ဒီဇင်ဘာတေး ၂၀၁၇

ဘာက ဘယ်လို စမှန်းမသိ။ ဘယ်နေရာ ဘယ်မှာ အတိအကျ မသိ။ ဘယ်လို ဘယ်ပုံ အဆုံးသတ်မှာလဲ မသိ။ အစမရှိ အဆုံးမရှိ။ မိုးတိမ်တွေလို တစ်စုံ တစ်ရာကတော့ ရွေ့လျားနေတာကို အလွမ်းလို့ ခေါ်ပါသလား။  
                          
တစ်ခုသော နိုဝင်ဘာ။ စားမေးပွဲကြီး ပြီးသွားရင် လွတ်လပ်ပြီ လို့ တွေးသူကတွေး။ ဒီကျောင်းကြီးက ထွက်ခွာ သွားပြီးရင် ဘဝခရီး ကိုယ်စီ စလျှောက်ရတော့မယ်လို့ ဆိုသူကဆို။ တူနှစ်ကိုယ် နေ့စဉ်တွေ့ရဖို့ ဝေးတော့မယ်လို့ ဆွေးသူကဆွေး။ ဒီအချိန် နောက်ဆုံး ဖွင့်ပြောပစ်လိုက်မယ်လို့ အားခဲသူခဲပေါ့။ ကျောင်းဝန်းထဲက ဗာဒံပင်ကြီးက အရွက်တွေ မြောက်ပြန်လေအဝှေ့မှာ ကြွေကြနေလေရဲ့။  
.......အခုတော့ ... ဝေးခဲ့ပြီလေ ... အခုတော့ ... ဝေးခဲ့ပြီ ...တို့နှစ်ဦးသား....နှုတ်ဆက်မျက်ရည်လေးများ....မသိအောင်သိမ်းထား...... 
ထူးအိမ်သင် သီချင်းသံသဲ့သဲ့က ကန်တင်းဘက်က လွင့်လာတယ်။ 
ရွာကို ပြန်ရမယ့်ရက်ရယ် ၊ ရန်ကုန်ပြန်လာ အလုပ်ရှာရမယ့် ရက်ရယ် တွက်ဆလို့နေမိတယ်။ 

ဒါတွေက အစလား အဆုံးလား။ ဘယ်သူက အဓိက ဇာတ်ဆောင်လဲ။ မျက်လုံးချင်း နှလုံးသားချင်း စကားပြောယုံ ၊ ရင်ထဲ လိုက်ခနဲ ခုန်ယုံနဲ့ မလုံလောက်ခဲ့ဘူးဆိုတာ ဆယ်စုနှစ်အတော်ကြာမှ သိခဲ့တယ်။    

....အခုတော့ ... ဝေးခဲ့ပြီလေ ... အခုတော့ ... ဝေးခဲ့ပြီ ...တို့နှစ်ဦးသား.......

ကောင်မလေးရေ ... သက္ကရာဇ်ဝေဝေဝါးဝါး မြေပဲယို လှည်းတန်းလမ်းမ။ ရင်ခုန်သံက အမြှောက်ဆံလို မျက်ဝန်းနက်တစ်စုံ ...တည့်တည့်ရင်ဝ စိုက်တဲ့ မျှားတစ်ချောင်း... အခုထိ သွေးစက်လက်နဲ့ နှုတ်ဖို့ခက်နေတုန်း။ အိမ်မက်က လန့်နိုးတော့ ၂၀၁၇ ဒီဇင်ဘာ မြူနှင်းကလေးတွေကျလို့။ ငါတို့ ကောင်ကလေး ကောင်မလေးတွေ မဟုတ်ကြတော့ဘူး။ 

မိုးပျံငှက်

နိုဝင်ဘာ  ၂၀၁၇။

Tuesday, January 31, 2017

Musician AC and broken keyboad circuit on Canvas 18" x 24"

ဂီတသမား အနုပညာသမား စစ်စစ်ဆိုတာ ဘယ်လိုမျိုးလဲ


Saturday, January 28, 2017

အိမ်မက်ထဲကလို ရင်ခုန်နေတုန်း

အိမ်မက်ထဲ မှာ ကဗျာဆရာတစ်ယောက်နဲ့ စကားပြောတယ်။ သူ့ ကဗျာတွေဟာ တစ်ချို့ က နူးညံ့ သိမ်မွေ့နက်ရှိုင်း ၊ တစ်ချို့က ကြမ်းရှ ဘဝထဲက ခံစားရေဖွဲ့တယ်လို့ပြောတယ်။ ကဗျာဆိုတာ ထုတ်ကုန်တစ်ခုလို ထုတ်လုပ်လို့မရဘူး။ ဂန္တဝင်ပဲ ဖြစ်ဖြစ် မော်ဒန်ပဲဖြစ်ဖြစ် ခံစားတတ်ဖို့ သာ အရေးကြီးတဲ့ အကြောင်း Check in တင်လို့မရတဲ့ ကမ္ဘာကြီးရဲ့ တစ်နေရာမှာ ပြောကြတယ်။

တိမ်တွေပေါ် ပျံ  စင်္ကြာဝဠာထဲ ရောက်သွားချိန်မှာတော့ လေလွင့်နေတဲ့ ပန်းချီဆရာတစ်ယောက်နဲ့ ထပ်တွေ့ပြန်တယ်။ သူက ခင်ဗျားတို့ ကမ္ဘာက အစ်ဇမ် ism (realism / post realism/ post modernism/ neolism/ ect.,) တွေအားလုံး စွန့်လွှတ်လိုက်ပြီတဲ့။ ခင်ဗျား ဘယ်ကိုသွားမှာလဲ။ ကျွန်တော်ကရော ဘယ်ကို သွားရမလဲ မေးမိတယ်။ ဘယ်အဖြေမှ မရတဲ့ အတွက် ကျွန်တော်ဟာ စမ်းတဝါးဝါးနဲ့ ကမ္ဘာမြေကို ပြန်ရောက်လာတယ်။

အိမ်မက်ထဲက ကဗျာဆရာလို ဘဝ အနု အကြမ်းတွေနောက်လိုက် ရင်ခုန်နေတုန်း။ ပန်းချီဆရာလို ဘယ်အရာကိုမှ မဆုတ်ကိုင်ပဲ ခြေဦးတည့်ရာ လွတ်မြောက်နေချင်တုန်း။     ။

မိုးပျံငှက်
9.10.2016