Tuesday, July 27, 2010

အနီနဲ့ အနက်

ပိုက်ဆံဟာ လူရိုင်းခေါင်းနဲ့လား
ပိုက်ဆံဟာ ဘုရင့်ခေါင်းနဲ့လား
ပိုက်ဆံဟာ တိရိစ္ဆာန်ခေါင်းနဲ့လား
ပိုက်ဆံဟာ ဂုဏ်သိက္ခာကို ရောင်းဝယ်ဖောက်ကားသလား
ပိုက်ဆံဟာ ချစ်ခြင်းမေတ္တာကို ၀ယ်ယူနိုင်သလား
ပိုက်ဆံဟာ မိသားစုဘ၀ကို ဖန်တီးသလား
ပိုက်ဆံဟာ မိသားစုဘ၀ကို ဖျက်စီးသလား
ပိုက်ဆံဟာ လူတိုင်း သည်းချေကြိုက်လား
ပိုက်ဆံဟာ ဘ၀တွေကို ဝေးသွားစေသလား
ပိုက်ဆံဟာ ဘ၀တွေကို နီးလာစေသလား
ပိုက်ဆံဟာ ဘ၀တွေကို တည်ဆောက်သလား
ပိုက်ဆံဟာ ဘ၀တွေကို လွင့်စင်ထွက်သွားသလား
ပိုက်ဆံဟာ ဒူးထောက်စေသလား
ပိုက်ဆံဟာ ခေါင်းမော့စေသလား
ပိုက်ဆံဟာ ရိုးသားပွင့်လင်းသလား
ပိုက်ဆံဟာ ကောက်ကျစ်စဉ်းလဲသလား
ပိုက်ဆံဟာ မိတ်ဆွေဖြစ်တယ်
ပိုက်ဆံဟာ ရန်သူဖြစ်တယ်
ပိုက်ဆံဟာ အချစ်မိုးကောင်းကင်ဖြစ်တယ်
ပိုက်ဆံဟာ ကိုယ့်သွေးကိုယ်ဖောက်ရောင်းရတယ်
ပိုက်ဆံဟာ ဆင်းရဲ ချမ်းသာ ပေတံဖြစ်တယ်
ပိုက်ဆံဟာ သံသယလက်နက် ဖြစ်တယ်
ပိုက်ဆံဟာ ဒုတိယ ဘုရားသခင် ဖြစ်တယ်
ပင်လယ်ရေက သောက်လို့ မကုန်ပါဘူး ကိုယ့်လူ
အသုံးမ၀င်တဲ့ စပါယ်ရှယ် စက္ကူတွေကြားမှာ
ခင်ဗျား အမှန်တရားကို တွေ့ရှိနိုင်ပါစေ။                    ။

မိုးပျံငှက်

No comments:

Post a Comment