စလုံး ဒိုင်ယာရီ

ညနေပိုင်း အလုပ် ဆင်းပြီး ပြန်အလာ ဗိုက်ဆာတော့ ပလာတာစား။ လက်ဖက်ရည်ဝင်သောက်တယ်။ ဒီအိန္ဒိယဆိုင်ရဲ့ လက်ဖက်ရည်က ငယ်ဘဝကို သယ်ဆောင်သွားတယ်။ သူ့ရဲ့ အနံ့အရသာက ငယ်ငယ်က နေမကောင်းမှ သောက်ရတဲ့ ကော်ဖီမှုန့် နဲ့ ချက်နို့ဆီ ဖျော်သောက်တဲ့ ရနံ့မျိုး။ လူသန်းနဲ့ချီ နေတဲ့ မြို့ကြီးပြကြီးတွေက ညဟာ ဒီလောက် အထီးကျန်နေမယ်လို့ ဘယ်သူထင်မှာလဲ။ လူသူကင်းမဲ့တဲ့ တောတောင်ထဲက မီးမှိတ်တုတ် မှိတ်တုတ်နဲ့ တဲအိမ်ကလေးကို လွှမ်းမိပါရဲ့။ တောင်ရိုးဘက်သွား နွားလှည်းနဲ့ ဝါးခုတ်ကြတုန်းက အဖြစ်အပျက်ကလေးတွေ သတိရမိတယ်။

ဟောဒီ အိန္ဒိယဆိုင်မှာ အဘိုးကြီး တစ်ယောက်နဲ့ အတူထိုင်မိလိုက်တယ်။ သူလည်း အလုပ်ကပြန်လာပုံရတယ်။ ပြုံးပြ နှုတ်ဆက်မိပြီး သူကလည်း စကားတွေ လာပြော မေးခွန်းတွေ လာမေးနေတော့ ကိုယ့်အတွေးလေးပျက်သွားတယ်။ ကိုယ်ကတော့ သူမေးတာ အမှန်အတိုင်းတွေ ပြောနေမိတယ်။ ပြန်ခါနီး သူဘယ်မှာ နေလဲမေးတော့ ဒီနားက မဟုတ်ဘူးဆိုတယ်။  MRT ရထားနဲ့ ပြန်မှာ ပြောပြီး ဘူတာရုံနဲ့ ဆန့်ကျင်ဘက် ထွက်ခွာသွားတယ်။ သူ့နောက်ကျောပြင် ငေးရင်း တစ်စုံတစ်ခု ခံစားလိုက်ရတယ်။ ဘာလို့ ကိုယ်က အမှန်တွေ ပြောမိလိုက်သလဲလို့။ မြို့ကြီးပြကြီးဆိုတာက လူတွေ သိပ်သည်းနေပေမယ့် တစ်ယောက်နဲ့ တစ်ယောက် ယုံကြည်မှု့ ကင်းမဲ့တတ်ကြတဲ့ သဘောပေါ့။ အခုချိန်ထိ မြို့ပြနဲ့ မြို့ပြက လူတွေနဲ့ ယဉ်ကျေးမှု့နဲ့ အသားမကျသေးဘူး။

အတွေးကို ပြန်ဆက်မလို့ရှိသေး တစ်ခေါ်စာ လမ်းထိပ် ၂၄ နာရီ Food Court က ဆူညံ့ဆူညံ့ ရန်ဖြစ်သံကြားရတယ်။ ရဲတွေ ရောက်လာတော့ အသံတိတ် သွားတယ်။ ထိုင်နေတဲ့ဆိုင် ရေမြောင်းထဲက ကြွက်တစ်ကောက် ထွက်လာတာ မြင်လိုက်တယ်။ ဓာတ်ပုံ ရိုက်မလို့ ပြင်လိုက်တော့ ရေမြောင်းထဲ ပြန်ဝင်သွားတယ်။ ခင်ဗျားတို့ ယုံမှာတောင် မဟုတ်ဘူး။ ကျွန်တော် နေထိုင်နေတာ စင်္ကာပူမြို့ကြီးရဲ့ သဘာဝကျကျနေရာပေါ့။

မိုးပျံငှက်
04/06/2018

ဒီပရက်ရှင် ည

ယုံကြည်မှု့က အပူလွန်လာခဲ့ပြီ
သံသယကို အပြတ်ရှင်းဖို့
နားထင်ကို တေ့
အသင့်ပြင်ထားတဲ့ အမှန်တရားက
ကိုယ့်ကိုကိုယ် အဆုံးစီရင် ၊
အပြုံးတု တစ်စိမ်းဆန်နေ့တွေထက်
လွှတ်လပ်ခြင်း ရင်ခွင်ဆီ။

ဘယ်တော့မှ ဒူးမထောက်ခဲ့ဘူး
အသေအချာ ဖွဲ့သီခဲ့ပေမယ့်
မရေမရာတွေနဲ့ ကမ္ဘာအခွံကြီးထက်
မသိခြင်း စင်္ကြာဝဠာက ပိုနေပျော်တယ်
မဟုတ်လား...

မိုးပျံငှက်
01/06/2018
12:54 AM Singapore

ပန်းချီပြပွဲ့ Iron Art Singapore

ကိုယ့်ကိုကိုယ် ပညာရပ်ပိုင်းမှာ သိပ်ဘဝင်မကျ ဖြစ်မိပေမယ့် ရသခံစားတတ်မှု့မှာ ရေချိန် မနိမ့်ဘူးလို့  နားထင်ရောက်တတ်သူပါ။ တစ်နေ့။ သူငယ်ချင်းက "မုဒြာခေါ်သံ" ရုပ်ရှင်ကြည့်ပြီး ပြန်အလာ ကိုယ်က "ဥပါယ်တံမျင်"ကို ပိုကြိုက်ကြောင်း ငြင်းခုံခဲ့ပြီးပြီ။ အားလုံးက ဒါကောင်းတယ်ဆိုတိုင်း အပြောင်းအလဲ တင်ပြပုံ သစ်တိုင်း အောင်မြင်တိုင်း ကိုယ့် နုလုံးသားထဲ စွဲချင်မှ စွဲတာ။ အနုပညာဆိုတာ ပြောရရင် ဓာတ်ခံ အလွမ်း အဆွေး ဘဝဖြတ်သန်းမှု့ ထဲ လေ့လာသိမှတ်ထားမှုနဲ့ ချိန်ဆ အလိုအလျှောက် လက်ခံသွားရတာမျိုး။ လူအများစု ရင်ထဲငြိရင် လူကြိုက်များလာရင် ဒါ ဖန်တီးသူရဲ့ အနုပညာအပေါ် စွဲလမ်းအနှစ်နာခံမှု ဖြတ်သန်းမှုဝမ်းစာပြည့်လာလို့ အောင်မြင်တယ်ဆိုရမှာပေါ့။ တခါတရံ ခံစားမှု feeling / emotion နဲ့ သိမှု့ knowledge / Skills တို့ လွန်ဆွဲနေတတ်တယ်။ စာပေ ဂီတ ရုပ်ရှင် ပန်းချီတို့ကြား နံရံချိတ်ဆက်မှု့ရှိတယ်။ ဘဝထဲ Life/Living အသက်ရှင်ရုန်းကန်နေသမျှ လူတွေတိုင်းမှာ တူညီမှု တစ်ခုခုတော့ အနီးစပ်ဆုံး ရှိကြလိမ့်မယ်ထင်တယ်။ အဲလို ထပ်တူကျသွားတဲ့ အခါမျိုး ခောတ်အခါသမယမျိုး ဖြစ်လို့ပါ။  classic ဝတ္ထုဖတ်လည်း သူ့အရသာနဲ့သူ၊ ခေတ်ပေါ် ခေတ်ပြိုင် contemporary ပန်းချီကားတစ်ချပ် ကဗျာတစ်ပုဒ်ကလည်း သူ့အရသာနဲ့သူပါ။ စားသုံးသူ ခောတ်ကာလအလျှောက် လွှတ်လပ်စွာ ခံစားခွင့်ရှိပါတယ်။ 

ပြောချင်တာက မနေ့က ပန်းချီပြပွဲ review လေးအကြောင်းကို လက်ဖက်ရည်ဆိုင်ထိုင် ဝါသနာတူအချင်းချင်း ငြင်းခုံသလိုမျိုး။ ကိုယ်ရည်မသွေး ဆရာများမထိခိုက်ပဲ လူပိန်းအမြင်လေးပြောချင်တာပါ။ ဝါရင့်ဆရာ နှစ်ယောက်ကိုပဲ ငြိခဲ့ပါတယ်။ လူငယ်လေးတွေလက်ရာ ကတော့ ဆရာတင်မောင်ဦး နဲ့ ဆရာကြီးမြင့်စောလက်ရာတွေ ဗီယက်နန်ပန်းချီဆရာ လက်ယာတွေလောက် ရင်ထဲမထိခဲ့သလို ဈေးကွက်အရ ဆင်တူနေသလိုရှိတယ်။ ရောင်းရတယ်ဆိုတော့ ဝမ်းသာတယ်။ ဂုဏ်ယူတယ်။ လူငယ်လေးတွေကိုလည်း အခုထက်ပို သူတို့ဘဝလက်ရာစစ်ရှာဖွေ အောင်မြင်နိုင်ပါစေ။ ကိုယ့်လက်ထဲတော့ ပန်းချီတစ်ကားဖိုးတောင် မတတ်နိုင်ပေမယ့် ရန်ကုန်နဲ့ စင်ကာပူ Gallary တွေလျှောက်ကြည့်ပြီး အခုလို လေကြီးလေကျယ်ဆိုတာ ခွင့်လွှတ်ကြပါ ခင်ဗျာ။ ကျွန်တော်သိပါတယ် တချို့စကားလုံးတွေအတွက် ကိုယ်တိုင်လည်း ငြင်းခုံနေဆဲပါ။        ။ 

မိုးပျံငှက်

29.05.2018

@ION Art Gallery Singapore

https://www.facebook.com/permalink.php?story_fbid=2042595572621436&id=100006130394978

နေမြင့်မြန်တဲ့ မနက်

Acrylic on canvas 18" x 24"

မိုးပျံငှက်

Decoration Acrylic on canvas 18"x24"

လေ့ကျင့် ရေးဆွဲ ကြည့်။ ဆရာ ဦးဝင်းဖေမြင့် ( WPM) ကို ကြိုက် အားကျ။ သူ့အရောင်တွေကိုကြိုက်တယ်။ ဆရာမောင်သြ (Mg Aw) လည်းကြိုက်တယ်။ စိတ် နဲ့ အမြင် အာရုံ မသာဒလှရင် ကြိုက်တယ်။ 

မိုးပျံငှက်

၂၀၁၈ 

အဆိုတော် ဦးစိုးပိုင် လာလည်ခြင်း

Living with art 2018 By Moe Pyan Hnget

Acrylic on Can Vas 30" x 24"

Acrylic on canvas 18" x 24"

မိုးပျံငှက် 

ဖေဖဝါရီလ ၊ ၂၀၁၈ 

ကလော ပင်းဒယ တောင်ကြီး အင်းလေး ခရီးစဉ် ၂၀၁၇

ကျွန်တော် ပျော်ရွှင်ခဲ့တဲ့ နေ့တွေပါပဲ။ တောင်ကြီးက သူငယ်ချင်း ၂ ယောက်နဲ့လည်း တွေ့ခဲ့ရတယ်။ 

မိုးပျံငှက်

၂၀၁၇ 

My Photography 2017

မိုးပျံငှက်

ခေတ္တ စင်္ကာပူ

ပန်းချီပြပွဲ တစ်ခု ရောက်ခဲ့စဉ်က

ဘားအံသို့

မိုးပျံငှက် 

ကရင်ပြည် ဘားအံ မှတ်တမ်း